Sendube vintro havas siajn avantaĝojn, sed la aliaj sezonoj eĉ pli. Jam mi spertis sufiĉe da vintro ĉi-jare, sed ŝajne mi devas travivi ankoraŭ iom. Ĵus mi vekiĝis, kaj rigardante tra la fenestro mi vidas ke ĉio estas denove neĝkovrita. (Almenaŭ la pavimo kaj trotuaroj estis pli malpli senneĝaj hieraŭ.) Cetere oni prognozas por hodiaŭ ankoraŭ 15 cm da neĝo. Ve!

Por pensigi min pri pli varma vetero, mi enskribiĝis en konkurso, kiun organizas ĉiujare mia universitato. Oni devas diveni, kiam la temperaturo unuafoje atingos 20 gradojn. En la 2000-a jaro, tio okazis je la 8-a de marto, kio donas almenaŭ iom da espero. :-) Mia diveno tamen ne estas tiel optimisma; mi elektis la 19-an de aprilo.

Nuna humoro: malvarma