Vi estas ĉi tie

Doloras la kruroj

Hodiaŭ mi konstatis ke du horoj da vigla glitkurado povas dolorigi la krurojn, aparte se oni ne regule ekzercas sin. :-) Tion mi tamen planas ŝanĝi komence ĉi-printempe. Mi loĝas nur kelkcent metrojn for de tre longa bicikla vojo, kiu estas parto de tuta aro da biciklaj vojoj. Kiam malaperos la neĝo, mi komencos multe bicikli.

Aliteme, mi ĵus ricevis kvar libroformajn kopiojn de mia disertaĵo. Mi petis tiom, ĉar jam miaj gepatroj kaj geavoj petis kopion. Ili tute ne spertas pri matematiko, sed multe fieras pri mia laboro. :-) Mi planas viziti ilin dum la paskaj ferioj.

Nuna humoro: senenergia
Nuna muziko: Deadline (jt_deadl.xm)

Komentoj

Rebonvenon al LJ!

Dankon!

Ankaŭ miaj kruroj doloras hodiaŭ. Memoru ke ni ne precize normale glitkuris! Ŝajne ni nun pagas por tiu rekordrompa glitkuregeto!

Nu, mi supozas ke miaj kruroj almenaŭ doloretus, eĉ se mi ne strebus rompi rekordon. ;-)